المصرية ريهام سعيد تتحدث عن حقيقة القبض عليها في المغرب

نفت الإعلامية المصرية ريهام سعيد، عبر صفحة البرنامج التلفزيوني "صبايا الخير" على "فيس بوك"، ما ذكرته مواقع إخبارية مغربية، عن القبض عليها داخل البلاد وفتح تحقيق معها بتهمة محاولة تصوير حلقات حول الدعارة والجن والشعوذة دون ترخيص، مشيرة أن كل ما انتشر خلال هذه الفترة ما هي إلا شائعات.

وقالت سعيد "اليومين اللي فاتوا انتشرت اخبار كاذبة وإشاعات عن سبب وجودنا في المغرب أنا بس عايزة أوضح كام حاجة كدة أولا احنا مصورين في أكتر من 6 مناطق في المغرب يعني لو المفروض إن فعلًا هنصور مع مطرب مغربي بس مش معقول هنلف بيه في الـ 6 مناطق دي، ثانيًا المفروض إننا كنا نرجع أول إمبارح لكن قعدنا يومين زيادة يعني ماتقبضش علينا زي ما هو منتشر، ثالثًا الحركة دي معمولة من شوية ناس شغالة في قنوات تانية وبيبلغوا الأخبار دي للصحفيين علشان يأثروا على سمعة برنامج صبايا الخير ويتشهروا على حسابه، رابعًا وده الأهم بقى إن لو فعلًا كنت قعدت أعلن عن حلقة المغرب دي ماكنتش هعمل عليها بروباجندا زي ما انتوا عملتولي كده وهتخلوا الناس تستناها أكتر فا شكرًا ليكو".